🔷 Maharashtra Election# ਮਹਾਰਾਸ਼ਟਰ ਦੀਆਂ 288 ਸੀਟਾਂ 'ਤੇ ਵੋਟਿੰਗ ਜਾਰੀ, ਦੁਪਹਿਰ 3 ਵਜੇ ਤੱਕ 45.53 ਫੀਸਦੀ ਹੋਈ ਵੋਟਿੰਗ

.

ਮਹਾਰਾਸ਼ਟਰ- ਮਹਾਰਾਸ਼ਟਰ ਵਿਧਾਨ ਸਭਾ ਦੀਆਂ ਸਾਰੀਆਂ 288 ਵਿਧਾਨ ਸਭਾ ਸੀਟਾਂ ਲਈ ਵੋਟਿੰਗ ਹੋ ਰਹੀ ਹੈ। ਵੋਟਿੰਗ ਦਾ ਸਮਾਂ ਸਵੇਰੇ 7 ਵਜੇ ਤੋਂ ਸ਼ਾਮ 6 ਵਜੇ ਤੱਕ ਹੈ। ਨਤੀਜੇ 23 ਨਵੰਬਰ ਨੂੰ ਆਉਣਗੇ।ਦੁਪਹਿਰ 3 ਵਜੇ ਤੱਕ ਸੂਬੇ 'ਚ 45.53 ਫੀਸਦੀ ਵੋਟਾਂ ਪਈਆਂ। ਗੜ੍ਹਚਿਰੌਲੀ ਵਿੱਚ ਸਭ ਤੋਂ ਵੱਧ 63% ਅਤੇ ਮੁੰਬਈ ਸ਼ਹਿਰ ਵਿੱਚ ਸਭ ਤੋਂ ਘੱਟ 39.34% ਵੋਟਾਂ ਪਈਆਂ।

ਕਾਂਗਰਸ ਨੇਤਾ ਸ਼੍ਰੀਨਿਵਾਸ ਬੀਵੀ ਨੇ ਸ਼ਿਰਡੀ 'ਚ ਫਰਜ਼ੀ ਵੋਟਿੰਗ ਦਾ ਦੋਸ਼ ਲਗਾਇਆ ਹੈ। ਉਨ੍ਹਾਂ ਦਾਅਵਾ ਕੀਤਾ ਕਿ ਧੂਲੇ ਦੀ ਰਹਿਣ ਵਾਲੀ ਲੜਕੀ ਨੇ ਸ਼ਿਰਡੀ ਵਿੱਚ ਵੋਟ ਪਾਈ ਸੀ। ਇਸ ਦੇ ਨਾਲ ਹੀ ਧੂਲੇ 'ਚ ਇਕ ਪੋਲਿੰਗ ਬੂਥ 'ਤੇ ਭਾਜਪਾ ਅਤੇ ਵੰਚਿਤ ਬਹੁਜਨ ਅਗਾੜੀ ਦੇ ਵਰਕਰਾਂ ਵਿਚਾਲੇ ਲੜਾਈ ਹੋਈ। ਦੂਜੇ ਪਾਸੇ ਨਕਦੀ ਘੋਟਾਲੇ 'ਤੇ ਭਾਜਪਾ ਦੇ ਜਨਰਲ ਸਕੱਤਰ ਵਿਨੋਦ ਤਾਵੜੇ ਨੇ ਕਿਹਾ ਕਿ ਇਹ ਇਕ ਸਾਜ਼ਿਸ਼ ਹੈ। ਜੇਕਰ ਰਾਹੁਲ ਗਾਂਧੀ ਦੋਸ਼ ਲਗਾ ਰਹੇ ਹਨ ਤਾਂ ਉਹ ਪਹਿਲਾਂ ਮੈਨੂੰ 5 ਕਰੋੜ ਰੁਪਏ ਲੈਣ ਦਾ ਸਬੂਤ ਦੇਣ।